#PE-ARM-2026-7838

Վայոց ձորի մարզպետը, նախընտրական քարոզարշավին զուգահեռ, շարունակում է իր սոցիալական էջերում ակտիվորեն հրապարակել պաշտոնեական գործունեությանը վերաբերող նյութեր՝ ճանապարհաշինական ծրագրերի, համայնքային աշխատանքների և շրջանավարտներին ուղղված շնորհավորական ուղերձների վերաբերյալ։ Հատկապես զգայուն է մարզպետի՝ մարտական դիրքեր կատարած այցելության հրապարակայնացումը և դրա ներկայացումը տեսանյութային (ռիլ) ձևաչափով քարոզարշավի ակտիվ փուլում։ Նման բովանդակությունը կարող է ընկալվել որպես անվտանգության և զինված ուժերի թեմատիկայի օգտագործում քաղաքական կամ քարոզչական ֆոն ձևավորելու նպատակով, ինչը դիտորդական տեսանկյունից կարող է բացասաբար անդրադառնալ ընտրական գործընթացի հավասար և չեզոք միջավայրի ընկալման վրա Քարոզարշավի ընթացքում տարբեր բնակավայրերում արձանագրվել են դեպքեր, երբ դպրոցականները մարզպետին դիմավորել են աղ ու հացով, ինչպես նաև ազգային պարային կատարումներով։ Դիտորդական տեսանկյունից անչափահասների և կրթական հաստատությունների ներգրավումը նախընտրական միջավայրում կարող է առաջացնել վարչական ազդեցության, կրթական համակարգի քաղաքականացման և երեխաների քարոզչական գործընթացներում օգտագործման վերաբերյալ մտահոգություններ