#PE-ARM-2026-0A0F

https://www.facebook.com/reel/1588563885574288 Քարոզարշավի շրջանակներում «Քաղաքացիական պայմանագիր» կուսակցությունը ներկայացնող Թալինի համայնքապետ Տավրոս Սափեյանը Դավթաշեն գյուղում հանդիպել է «Ժողովրդավարական համախմբում» կուսակցության անդամ, Դավթաշենի բնակիչ Սողոմոն Խաչատրյանին և հրապարակային կերպով մեղադրել նրան 44-օրյա պատերազմի ընթացքում «զորքը միայնակ թողնելու» մեջ։ Դիտորդական տեսանկյունից քաղաքական հակառակորդի հասցեին նման մեղադրանքների հնչեցումը կարող է գնահատվել որպես վարկաբեկող և մանիպուլյատիվ քարոզչության դրսևորում։ Միաժամանակ արձանագրվել է, որ համայնքի ղեկավարի թիմակիցների կողմից հնչեցվել են հոխորտանքներ և ագրեսիվ արտահայտություններ Դավիթի հասցեին, ինչը կարող է պարունակել հոգեբանական ճնշման և սպառնալիքի տարրեր։ Հատկանշական է նաև, որ համայնքի ղեկավարը, շեշտադրելով իր պաշտոնեական կարգավիճակը, հայտարարել է, թե Դավիթը «իրավունք չունի գալ Դավթաշեն և կոչ անել բնակիչներին ձայն տալ 14 համարին»։ Նման ձևակերպումները կարող են ընկալվել որպես քաղաքական մրցակցության սահմանափակման և ընտրողների ազատ քաղաքական հաղորդակցության նկատմամբ անհանդուրժողական վերաբերմունքի դրսևորում։