#PE-ARM-2026-083F

Արայիկ Հարությունյանը, հանդիսանալով ՀՀ վարչապետի աշխատակազմի ղեկավար, սոցիալական ցանցի իր պաշտոնական կամ հանրությանը հասանելի էջում, որտեղ ներկայացված է իր պետական պաշտոնով, տարածում է նախընտրական քարոզչական բնույթի նյութեր։ Քարոզչությունը իրականացվում է այնպիսի պայմաններում, երբ հրապարակումների հեղինակը ներկայանում է ոչ թե որպես շարքային քաղաքացի կամ կուսակցության անդամ, այլ որպես պետական բարձր պաշտոն զբաղեցնող անձ։ Նման պայմաններում քարոզչական գործունեությունը ընտրողների մոտ ստեղծում է պետական իշխանության աջակցության, պետական ռեսուրսների ներգրավվածության կամ իշխանական ազդեցության տպավորություն, ինչը ենթակա է գնահատման ընտրական գործընթացում հավասար հնարավորությունների և վարչական ռեսուրսների չեզոքության սկզբունքների տեսանկյունից: