#PE-ARM-2026-5AA9

ՀՀ Ազգային ժողովի նախագահը`Ալեն Սիմոնյանը, TikTok սոցիալական հարթակում հրապարակում է նախընտրական քարոզչական բնույթի նյութեր՝ հանդես գալով իր պաշտոնեական կարգավիճակով։ Էջում նա ներկայացված է որպես «ՀՀ Ազգային ժողովի նախագահ», ինչի արդյունքում քարոզչական հաղորդագրությունները տարածվում են պետական բարձրագույն պաշտոն զբաղեցնող անձի հեղինակության և ազդեցության ներքո։ Թեև Ազգային ժողովի նախագահը որպես քաղաքական պաշտոն զբաղեցնող անձ իրավունք ունի մասնակցելու նախընտրական քարոզչությանը, այնուամենայնիվ ընտրական գործընթացի հավասարության և վարչական ռեսուրսների չեզոքության սկզբունքների պահպանման տեսանկյունից ենթակա է գնահատման այն հանգամանքը, թե արդյոք քարոզչությունն իրականացվում է պաշտոնեական կարգավիճակի, պետական իշխանության հեղինակության կամ հանրային ռեսուրսների օգտագործմամբ՝ քաղաքական առավելություն ապահովելու նպատակով։