#PE-ARM-2026-7BF0

Ես բնակվում եմ Հրազդան քաղաքում։ Սույն դիմումով ցանկանում եմ հայտնել նախընտրական քարոզարշավի ընթացքում տեղի ունեցած միջադեպի մասին։ Իմ մայրը, անցնելով «Ուժեղ Հայաստան» կուսակցության նախընտրական շտաբի մոտով, որոշել է մտնել ներս՝ ծանոթանալու կուսակցության նախընտրական ծրագրերին և քարոզարշավին։ Նշված շտաբի հարևանությամբ գտնվում է «Քաղաքացիական պայմանագիր» կուսակցության պաշտոնական նախընտրական գրասենյակը։ Երբ մայրս դուրս է եկել «Ուժեղ Հայաստան» կուսակցության շտաբից, «Քաղաքացիական պայմանագիր» կուսակցության գրասենյակի ներսում և դրա դիմաց գտնվող անձինք, որոնք կրում էին կուսակցության տարբերանշաններով հագուստ, սկսել են սպառնալ նրան։ Նրանցից մեկը հայտարարել է․ «Հիշեք այս կանանց դեմքերը, հետո պետք է պատժել նրանց»։ Մայրս պատասխանել է, որ որևէ վատ բան չի արել և անհասկանալի է, թե ինչու են իրեն սպառնում։ Դրանից հետո մի տղամարդ մոտեցել է նրան և ագրեսիվ վարքագիծ դրսևորելով՝ ասել է, որ «չի նայի, որ կին է» և սկսել է սպառնալ ֆիզիկական հաշվեհարդարով։ Վերոնշյալ գործողությունները գնահատում եմ որպես սպառնալիք, հոգեբանական ճնշում և ընտրական գործընթացի ընթացքում քաղաքացու ազատ կամարտահայտման իրավունքի խախտում։ Խնդրում եմ համապատասխան մարմիններին ուսումնասիրել տեղի ունեցած միջադեպը, տալ իրավական գնահատական և ձեռնարկել անհրաժեշտ միջոցներ՝ նման դեպքերը կանխելու համար։